Мы занялі трэцяе месца ў конкурсе "Лепшая лаўка - 2026" з удзелам намесніка старшыні Мінгарвыканкама Алега Корзуна

У аглядзе-конкурсе спаборнічалі 24 удзельнікі, да пастаянных дадаліся новыя ў тым ліку і мы. Тым прыемней адразу атрымаць трэцяе месца і дыплом.

Пры распрацоўцы праекта зыходзілі з уласных уяўленняў аб эстэтыцы і ўтульнасці - ніякіх папярэдніх арыенціровак. І атрымалася, заўважыў А. Корзун, годна. Тут і выдатныя ўзоры кавання і разьбы, і гарманічныя спалучэнні лаваў са столікамі. Адзін з удзельнікаў пайшоў крышачку далей, вырабіўшы на паверхню такога століка разметку шахматнай дошкі. Абыгрываліся і контуры фірмовых лагатыпаў і эмблем, а на адной з лаваў конкурсную камісію чакала тройца ўсмешлівых мядзведзяў, выразаных з дрэва. Пры кожнай лаўцы ўрна - як адзіны ансамбль. Пры некаторых - і парковачныя стойкі для ровараў.

- Важна, каб гэтая прыгажосць служыла як мага даўжэй, таму ў кантэксце агульнагарадской працы па ўстаноўцы на дваровых тэрыторыях відэакамер неабходна, каб яны з'яўляліся не ў апошнюю чаргу ў такіх зонах, - акцэнтаваў намеснік старшыні Мінгарвыканкама.